Mikael Kourto lé né an 1975, si koté Paris. Son bann paran té sort la Rényon. Li arvien dan son lil kan li na vin tan.
Li la invant in sinialètik péi, li èm zoué èk bann mo dan son fonnkèr, ousa li may fonnkèr po lo zyé èk modékri. Sonn ban lékspo Arsénik lé la po pas témoin. Mikael Kourto i tonm dann ron bann fonnkézèr bandé : sat i tras ankor plis dovan tout bann rovandikasion pou nout kiltir kréol rénioné. In lékritir poétik dann bordaz politik. In langazman i sava pli loin k’son lékritir : dann la vi li fé lékol, li travay la LCR ék bann marmay, zot i koné Langue et Culture Régionale. An minm-tan li zoué la mizik épi li shant ansanm lo group « Lao » (Francky Lauret, Témoignages). Li lé osi sekrétèr bann zédision K’A.
Robèr, André i di su li : "Gard ou akout in pé koman Kourto I koz si Salazi é Karozin, in gran moman dan son vi é son kréasion. I transpir an minm tan in modèrnité dann lékritir sanm in limanité dann tèks ; li arékri la vi déryèr bann son li don anou. I sifi alors akout, vol somin lo tèks é tienbo le ritm le fonnkèr é son manièr di po konprann. Gard é akout kan li koz bann kolon èk bann touris, le ra na poin linvitasion nir oir le péi. An revansh, sak I vé nir dékouv la kiltir èk lo vré lé akéyé bra rouvèr [...]. Néna dan son lékritir in lenvi défann inn kiltir I komans ékri èk la violans i pran son plas tanzantan èk inn I trouv pa souvan dann bann fonkézèr la Rényon..."
Liv Mikael Kourto
Marmay ti pari, Autodiffusion, 2002
Dir, Autodiffusion, 2003
Karozin, France, K’A, 2003
Kabarèr, France, K’A, 2007
CD
Karozin, France, K’A, 2003
Ayèr su lo nèt
Fr Pour un portrait en français, voir île en île.
Photo © Thomas C. Spear Saint-Denis de la Réunion, 20 janvier 2006
