Nadine Fidji la énèt Sin Dni an 1960. Lï lé fonnkëzèr, éséyis, dramatïž é romansër. Ansanm son mari martiniké Benjamin Jules-Rosette, réalizatër, fondatër é dirèktër « Le Théâtre Noir », Nadine Fidji lé osi lanimatër zatelié téat é lékritïr dan plïziër lékol an Lafrik é an Frans. Dan tout son lëv (sirtou an fonnkër), Nadine Fidji i dénons la pèrsékïsion sou tout son bann form : žénosid, lèsklavaž, lékzil, le rëfï laltérité. Son toush lé konm in voi i kri la soufrans ansanm lèspoir. . . é lèspoir lé plï for : son travay lékritïr i èsprim in fors.

Bibliografi Nadine Fidji
 Hivernage, Saint Denis, Éditions Grand Océan, 1998
 Arpèges, Saint Denis, Éditions Grand Océan, 1999
 Case en tôle, Paris, Éditions L’Harmattan, Collection Lettres de l’Océan Indien, 1999
 Timis, Sarcelles, Éditions Le Carbet, 2001
 Paroles d’un condamné à mort, Fragments I et II, Sarcelles, Éditions Le Carbet, 2001
 Le théâtre noir de Paris, Sarcelles, Éditions Le Carbet, 2001
 Le Paradis anglais, Sarcelles, Éditions Le Carbet, 2001
 Soleil coupé, Sarcelles, Éditions Le Carbet, 2002
 Je suis seul, Sarcelles, Éditions Le Carbet, 2004
 Contre-chant, Sarcelles, Éditions Le Carbet, 2006
 Trace d’homme, Sarcelles, Éditions Le Carbet, 2007

Roman-la Nadine Fidji i rakont anou zistoir d’vi in ti fiy kaf i grandi koté son granmèr k’i dõne alï gran lafèksion. Kanminm zot lé pov le rishès zot kër lé gran é, ansanm bann voizin, zot i tienbo le kër pou travèrs bann difikïlté. Le granmèr lé in fãm gabié è son fors d’karaktèr rëmarkab : i noré minm lanvi dir le léro zistoir-la lé le granmèr minm.

Lékritïr Nadine Fidji i kap anou é liv-la lé doss : in bon moman lèktïr.