Hintermann, Memona

Zournalis ansanm gran reportèr, Memona Hintermann la énèt lo 19 zanvié 1952 lo Tanpon dan in famiy pov onz zanfan. Li di touzour li la nyabou ariv dan lo vi gras lékol répiblikèn. An 1971 li guingn lo konkour ORTF Sin-Dni, aprésa li pass in métriz droi. Kan Memona Hintermann i désot la mèr an 1976 li la tonm prézantatèr lo zournal télé é, an 1984 apartir li lé gran reportèr, léspésialis lo Moiyen Lorian é Lafganistan pou Frans 3. Li la rési lo dé méday « Chevalier de la Légion d’honneur » an 2001 é « Officier de l’ordre national du Mérite » an 2008. Plin son kouraz, Memona Hintermann i koz osi toultan èk lo kèr. Li la ékri dé liv. 

Bibliografi Memona Hintermann :
 Tête haute, Éditions JC Lattès, Paris, 2007
 Quand nous étions innocents : un amour franco-allemand, (en collaboration avec KRUSCHE Lutz), Éditions JC Lattès, Paris, 2009