Gerbeau, Hubert

Hubert Gerbeau la énèt an 1937 Marsèy. Fonnkézèr, romansèr, lamontrèr listoir linivèrsité, li lé ronomé dan tout bann péi pou son zétid si lésklavaz é lo gatir rantt bann pèp é bann kiltir. Hubert Gerbeau la guingn lo pri "Mémoire de l’esclavage" 2005 pou son tèz léta. Touratour li lété sèrsèr pou lo « Mission d’Étude et d’Aménagement » lo Nizèr, lamontrèr lo lisé Schoelcher Fort-de-France, manb fénésansèr aprésa sekrétèr zénéral lo « Centre d’Études Régionales Antilles-Guyane » (CERAG), lamontrèr lo lisé Digne é sarzé-d’kour lo « Institute for American Universities » Aix-en-Provence. Dépi 1968 ziska 1980 li la travay La Rénion pou lo « Centre Universitaire » ousa li lé vis-prézidan santt-la é dirèktèr lo « U.E.R. » Lèt é Sians Zimèn. Ansanm son bann dalon linivèrsité li fénésans lo « Fondation pour la Recherche et le Développement dans l’Océan Indien » é li lé vis-prézidan fénésansaz-la. An 1980 apartir Hubert Gerbeau i travay lo « Institut d’Études Politiques » é linivèrsité Aix-Marseille III ousa li lé dirèktèr lo « Centre d’Études et de Recherches sur les Sociétés de l’Océan Indien » (CERSOI) dépi 1985 ziska 2002. Li lé osi an sarz lo « Groupement de Recherches Océan Indien » lo C.N.R.S dépi 1994 ziska1997. 
Dépi 2002, Hubert Gerbeau lé manb ziri-d’tèz é li mèt ansanm bann sobatkoz, kolok... mé son lokipasion prinsipal sa lékritir minm sa. Astèr li arèt an Provans.

Bibliografi Hubert Gerbeau :

Les esclaves noirs pour une histoire du silence, Éditions Balland, Paris, 1970. Réédité par le Conseil Général de La Réunion et Océan Éditions, Saint-Denis, 1998 Swèdjana, Éditions Flammarion, Paris, 1980 (paru sous le pseudonyme Hubert G. David) Noc, Éditions Le Bretteur, Paris, 2004 Lia. D’un paradis l’autre, Éditions Les Indes Savantes, Paris, 2006 Martin Luther King, Éditions Universitaires, Paris, 1968. Réédité aux Éditions Les Indes Savantes, Paris, 2008 « La Négresse de paradis », roman inédit « Ordures », roman inédit « Foutu foot », pièce de théâtre inédite « Visions et visages », suite de textes inédits