Sen’Mêle

Ala promié lalbom Maloy’Az, Sen mélé ! Konm pou rapèl domoun nout nasion rénioné, sé in nasion lo san mélé, konm pou di anou pa bézwin la pèr mélanzé (s’emmêler ) ! Lalbom la lé in vwayaz ant lafrik, lind, lorop épi la rénion. Lalbom la i vé koz pou la rékonsiliasion ant désandan zèsklav é désandan vaza ! Piano i kas lanbordir sanm roulèr pou rasanm domoun, pou di « anon aprann konèt anou » ! la mizik Maloy’Az lé konsèptièl, é lalbom la lé tayé dann krystal. La vwa Maykèz lé konm in briz sou solèy katrèr ! li sant bann tèks lo kèr, bann paroli i koz èk domoun, i koz pou domoun. Son fason santé parèy i sort dann kovil, son bann pérkision i rann zot mizik vivan, é anou, nou yinm sa baba . noré bonpé pou di ankor, mé vodrémié zot i akout par zot minm !