Les traites négrières coloniales. Histoire d’un crime.

Sou le dirèksion Marcel Dorigny, lamontrër-shèrshër an listoir lïnivèrsité Paris VIII ansanm Max-Jean Zins, shèrshër CNRS é CERI, liv-la i trouv son fonnman dan le Colloque international de l’ADEN (novanm 2007) é son prézidan Daniel Voguet la ékri son prézantasion.
Nana troi gran méné sï la trèt négrièr : son laprosh global, son laprosh réžional é son mémoir èk son lansègñman. Pou nout réžyon loséan lindien i guingñ li troi tablo : le prëmié apropo le rézistans sèrvil, le dëziẽm sï langazizm lafrikin La Rényon é le troiziẽm sï lë Siddhis an Linn. Bann not lé konsiz é lo bibliografi i dõne plïziër louvraž an fransé.
Èk plïss d’san trant lilïstrasion liv-la lé in liv listoir ansanm in liv lar. Sa lé in koud’min pou le transmision le mémoir lèsklavaž rantt rëshèrsh savant é vïlgarizasion gran pïblik.