Carnet de bord. 1-10 décembre 2001

Inn note o débu le liv (ke lé in band’désiné) i présiz ke Lewis Trondheim (désinatèr) la fagot son carné rant lo 1er é lo 12 désanm 2001. Pou la première fwa ; li té alé La Réunion akoz ke li té invité par Appollo o féstival la band’désiné Saint-Denis (lo féstival i kri "Cyclone"). La fason fé de Trondheim lé original, a koz lé rare domoun i rédij zot mémwar, ousinonsa zot karné lintimité, an désin. Anndan so Carnet de bord, Lewis Trondheim, èk in bon doz la blag, i rakont koman son premié séjour dan lile la pasé : bann lorganisatèr lo féstival la ral a li in kou in koté, in kou lot koté, pou alé fé marsh du koté la Glacière, du côté volkan, etc. Lé konm ki diré so premié léspèrians té konkluan pou lu, a koz ke aprè sa, lu la déside armèt an limaz lo zistwar La Réunion, mé se fwa si èk in sénariste péi : Appollo (Ile Bourbon 1730).

Pou sak i èm ri, pou sak i èm war in lot manièr koman in boug i dékouv La Réunion, mi rekomand a zot se joli-joli bédé la !