Creuse, ta tombe

« Lï » arvien La Rényon son lãm ansanm son kor an kasé-brizé. « Lï » na plï son kisalité. Son souvnans i pèlmèl le tan lontan lèsklavaž žamé aboli pou lï, son zèntan malizé, son déportasion an Frans. Son vi volé lé san gou ni santiman.

Tout moun rényoné i arkonèt alï dann « Lï » é le kër tout léktër lé kapoté. Èk son « mélang » Jean-Louis Robert i rantt dann tréfon lãm rényoné é « Creuse, ta tombe », son dëziẽm roman, lé in témoigñaž la soufrans bann zafan déporté an Creuse sou le gouvèrnman Debré… in bébèt-liv kan i komans li alï i guingñ pa kal la léktïr. In zarlor la litératïr rényoné koméla !

> Figïr lotër / Portrait de l’auteur : Robert, Jean-Louis