Zistoir mon vi

Moin la abandon in ti coin paradis
mon momom ek mon ti famill
pou v’nir instal a moin ici
aster moin la pi mon ban carry

A cause ou la parti

Moin la voulu alé travail en France
z’études le important
pou aide a ou remplir out panse
aster y fo cont in pé su la chance

Ou la vi la vierg Mi pense

Aster mi artrouv a moins sel dans mon coin
tantine la larg a moins
ici y fo di kin sel tantine na poin
pou fé un cont semb moins

Allez gout a moins

Moin la achet in ti guitar
pou aid a moin dan fé noir
moin la trap in saiz pou asseoir
aster mi joué tou les soirs

Assez casse a nou zoreil

Té lo frer mi gan pi control
mon bel l’effet l’alcool
y empèce a moins allé l’ecol
aster moin le un pov kreol

Garde in pe pou demain

Mi laisse mon ban cheveux dand vent
moins le tou sel souvent
é puis zamal la prend son temps
aster moin n’a pu l’argent

Allé don out ki

Mi estim a moin heureux dan mon malher
ma trouv in tantine y savire mon ker
aster fo dir moin la pu per
moin la fini seche mon band pleur

Allé achète a li in fleur

Si na un gars y kontrol mon destin
di a li in pe tend son main
pou aide a moin traverse chemin
a cause lot cote le trop loin

ou crois encor per noel ?

Moin la retrouv mon ti coin paradis
mon momom ek mon ti famille
moin la retrouv mon vi
mon ventre le calé ek carry

ça zistoire son vi

Aster y fo mi trouv travail
mi veu pas elev ban volail
é fo pas non pli mi rest su la pail
mais com partout y fo batail

Allé fime un paille

Zistoir mon vi y commence a peine
y don deja a moin la flem
d’artrouv a moin ek moi meme
sa le dir pou cach mon hain...