S’i fo lévé

Pat atèr, Lo kér i réspir, la vi i arpran son drwa an kréol minm baya ! Lalbom "S’i fo lévé" lo group Lansor, lé konm bann kado nou té i aspér pi !

Dédé Lansor ék Arsène Kataye, dé zarboutan maloya, domoun i koné pa tro-tro, mé solman zot lé byin koni dann ron maloya ! Banna i anvoy fonnkér i sort dann tréfon la tér pou défann nout lardiv kabar !

Lansor lé konm in tizann, lé bon pou lo kor, pou lo kér, pou léspri osi. Sa in poézi i port drapo la rénion, nout nasion sink koulér ! Roulér, bob, kayanm, tanbou malbar sap pa, ziska la flit travérsièr i pèz ansanm ! La lang kréol lé an n’or dan lalbom la ! Maloya lé an lér ! Lansor i sant la vi, i sant réspé, la tér, lidantié ! Zot i anpar nout tradision, pou pa tonm dann démounaz. Nou giny zis di Mérsi ! Akout ali !