La pa bézwin krwar li lé mor i di a zot ! Madoré lé parèy Elvis ! Tanzantan, anndan lé ru Saint-Denis, na touzour in moune pou war a li, é pou di : "ou lé sir Madoré la fin’ mor" ? Mé voui oté... é konm li la mor dési la tèr, nou la antèr a li dann simetièr !
Dan son romans si Madoré, "le dernier chanteur de rue", Nathalie Legros i arvien si dot’ zistwar ankor : sat’ Manmzel Zabeth é M’sié Bèrnard parézanp’... Se dé marionèt’ là, dan zot tan (XIXème sièk) la fé ri é la fé vib’ tout’ do moune koté St-Denis, mé osi ayèr anndan lile ! Mé lé bien sir lo zistwar Madoré i okip’ a èl : koman li la grandi ? Kèl koté (koté zardin kolonial...) ? Sonm kisa ? Etc. An lomaz pou so "Zorro", pou so bonom té i port’ djin nwar èk linèt nwra èk chapo ko-boy, èl i ékri in romans’ si son lasansion... ziska son dékadans’... Mé La Réunion, ni koné bien la dékadans’ santèr la ri ; i sufi ni pans’ Alain Peters pou arsouvn’ir ankor. Mé sa lé in not’ zistwar !
Version imprimable
envoyer par mail
Réagir à cet article
Suivre les commentaires :
| 