La Rényon dann kër

Pandan in tan, Robert Gauvin (lo frèr Gauvin, Axel) la fé dé-trwa kronik si RFO Radio. Son bann kronik la marché, é di kou li la désid publi a zot anndan in ti liv. La Rényon dann kër lé in manièr armont domoun kwa i lé son lamour pou lile, mé lé osi in manièr désot lo tan pou reviv dann tan lontan. Lo liv lé dékoupé an sink chapit’, é chak chapit’ i konpran sink-si tèks su diféran tème i tien a li a kèr : zandrwa i mark limajinasion kréol (le baro, la kour, la varang’, etc.), la manièr lo sézon sonm lo tan i mark a nou (koman lété i ariv, dann tan siklone, etc.), etc.

Lo liv lé ékri an kréol, é pou sa li la choizi lo grafi i kri "Tangol 2001". Si ou i yèm lo ’ti lile La Réunion, si ou i yème souvenir zistwar out papa-monmon ousinonsa gramoune i té konte a ou kan ou lété ’ti (koman ke i alé an France an bato parézamp), ou s’ar émé se liv la... Le kozé lé dou, le kozé i fé fonn’ lo kèr, é i saroy a ou bien anndan in not koté lo limazinasion !