Le chik, le choc, le chèque

Sak la été tromatizé par lo « chik », mé osi sak la été piké par lo vilin moustik, i poura lir so liv pou ésèye konprann lo fénomène… Lo liv lé fagoté an in takon késtion domoune la poz a zot pou konprann lo danzere lépidémi la arivé an 2005-2006 : kosa i lé ? koman larivé ? poukoué la mal pasé ? etc. Anndan, Bernard-Alex Gaüzère sonm Pierre Aubry i poz lo bann késtion pou éspilik lo maladi, mé zot i poz osi késtion pou ésplik sak la été, i fo di, in fénomène la sosiété : a koz toute domoune la paniké ? konbien la kouté ? kosa la été lo retonbé su nout lékonomi, su lo tourisme, etc.

A koz ki fo pa lès pasé sou silans in léspérians la tromatizé in populasion, lé inportan arnir desu pou ésèye konprann…