Bonané zot tout’ !
Ala in nouvo lané i ariv é parèy sak lané i pas’, nora in bon pé zafèr pou spasé. A tout’ bann domoune i vien gèt kosa i spas su Maloya.org par koté nout Loséan Linn, nu prézant nout bann plis méyèr vé : santé, kouraz, lanvi, logou... An gro, tou sak lé gadianm !
Dopi lo tan zot i vien suiv nout bann saviré, nou lé touzour tèr-la gras’ a zot minm ! Gran mèrsi zot tout’ ! Nu port léspwar anndan nout kèr bann kozman lé anlèr su lo site va kontinié ankor in bon pé lané... Akozke : na ankor in bon zafèr pou fé, na ankor in bon pé zafèr pou di. Koté nout péi - sonm anndan nout péi - na domoune i manz pa zot vant plin, na domoune i gingn pa lir ousinonsa ékrir, na domoune i sobat pou marsh drwat ; ’lon tienbo nout rin !
Pou fé in zès pou nout ti péi sonm son vwazin an gatiraz, nu ankouraz a zot détak baro zot kèr, rouvèr vérou zot boush : alon koz-koz ansanm, vien lès a nou zot bann resanti.
Pou ékri a nou : kabar@maloya.org
An dalonaz, sonm nout réspé èk nout méyèr pansé pou lo nouvo lané,
Lo lékip Maloya.org.
Version imprimable
envoyer par mail
Vos commentaires
# Le 12 janvier 2011 à 01:54, par Aude
En réponse à : Nouvo Lané 2011
mi na 21 an é mi écri a zot dopui la frè langleter pou mon bande zétude ! mi rent la kaz moman papa dann 12 zour et ester mi koné kosa mi ve fé pou lo nouvel ané 2011 : retrasse le bann pas mon zancetre, ouve le zié si mon nasyon, mon kiltir, mon kozé ! ma parti rienk pou sink moi....parey mi lé la depui in leternité mé ester mi arvien, mwin la vu sété kwé vive ayér, lo sèl zafer ki compte ester c retourne mon kazz, retourne dann mon zion la renyon et sakouyé oté !!!!
Avant mi t bete !! mi t enfou sawar ou sa mi sorte, mi t ferme lo zié si mon kiltir ! ester kom davy sicard i di dan son band chanson : komsi dann mon fondker i koz samb mwin ,maloya la fé sorte a mwin dann fé noir, mon bande zancestre la monte a moin somin, ester mi coné 2011 toute mon fami, toute mon dalon, mon zézer nout toute nou done la min !!!!!!!!!!
mwin lé conten ma trouve zot site en tout k bonne ané zot toute oci et nartrouve trè bientot dann un kabar pou bate la min ansamb !! mi esper voir a zot dann mon kete pou mon kiltir , mon lidentité , mon renyonisité
Réagir à cet article
Suivre les commentaires :
| 